घरमै पुगेर नागरिकता

काेसिस न्यूज ४ वर्ष अगाडि ४ वर्ष अगाडि

रामेछाप । नागरिकता प्रमाण पत्रका लागि सदरमुकाम मन्थलीको जिल्ला प्रशासन कार्यालय सम्म आउन नसक्ने अशक्तलाई घरमै पुगेर नागरिकता प्रमाण पत्र हस्तान्तरण गरीएको छ ।
जिल्ला प्रशासन कार्यालय रामेछापले मन्थली नगरपालिका ५ निवासी ओमवहादुर श्रेष्ठलाई शुक्रबार उनकै घर पुगेर नागरिकता प्रमाण पत्र हस्तान्तरण गरेको हो । वडा कार्यालयले सवै कागजात सहित जिल्ला प्रशासनमा निवेदन गरेको आधारमा जिल्ला प्रशासन कार्यालयले नागरिकता प्रमाण पत्र जारी गरी सुनारपानीमा पुगेर हस्तान्तरण गरेको हो ।
वडा अध्यक्ष रबिन कार्की (नविन) का अनुसार प्रमुख जिल्ला अधिकारी दिपक कुमार पहाडिले अशक्त श्रेष्ठलाई कार्यालयमा ल्याउन असहजता हुने कुरा वुझेर टोलीनै सुनारपानी पठाईदिएको वताए । उनले नागरिकता पाएपछि श्रेष्ठ अव सामाजिक सुरक्षा भत्ताका लागि योग्य भएको वताए ।

क्याटेगोरी : समाचार