रामेछाप – निर्वाचन आयोगले असार १ देखि मतदाता नामावली संकलन गर्ने भएको छ । अायाेगले मतदाता नामावली संकलन तथा अद्यावधिक गर्ने काम असार १ देखि सञ्चालन गर्ने सोमबार विज्ञप्ति मार्फत जानकारी
दिएको छ ।
मतदानका लागि १८ वर्ष उमेर पुगेका र मतदाता नामावलीमा नाम छुटेका नेपाली नागरिकले प्रदेश तथा जिल्ला निर्वाचन कार्यालय, जिल्ला प्रशासन कार्यालय र इलाका प्रशासन कार्यालय मार्फत फोटो सहितको नामावली दर्ता गराउन सक्ने अायाेगले जनाएकाे छ ।
त्यसैगरि मतदाता नामावलीमा नाम दर्ता गर्नुका साथै नामवलीमा विवरणमा रहेको त्रुटि सच्याउन, मतदाता नामावलीबाट नाम हटाउन, ठेगाना परिवर्तन गर्न, मतदान स्थल परिवर्तन गर्न, दोहोरो परेको नाम हटाउन पनि सम्बन्धित निर्वाचन कार्यालयमा निवेदन दिन सकिने आयोगले विज्ञप्ति मार्फत जानकारी दिएकाे छ ।
कुनैपनि पेशा, व्यवसायको कारणले अाफ्नाे ठेगाना भएकाे जिल्ला भन्दा अन्य जिल्लामा बसोबास गरिरहेका व्यक्तिले नाम दर्ताको लागि आवश्यक प्रमाण सहित आफू रहेको जिल्लाको निर्वाचन कार्यालयमा निवेदन दिन सकिने
आयोगका प्रवक्ता शालिग्राम शर्मा पौडेलले जानकारी दिएका छन् । त्यस्तो व्यक्तिको नाम स्थायी ठेगानामा रहने गरी जुनसुकै जिल्लाबाट पनि मतदाता नामावलीमा नाम दर्ता गर्न सकिने व्यवस्था मिलाइएकाे अायाेगका प्रवक्ता शर्माले जानकारी दिएका छन् ।
‘आगामी निर्वाचनमा हुने मतदानमा कोही पनि मतदाता नछुट्ने गरी नाम दर्ता गर्न तथा विवरण अद्यावधिक गर्न आयोगले विज्ञप्तिमा मार्फत अनुरोध गरेकाे छ ।
क्याटेगोरी : समाचार
थप समाचार
ताजा अपडेट
- १ सगरमाथा आराेही श्रेष्ठलाई मन्थली नगरद्वारा सम्मान
- २ रास्वपा रामेछापकाे सभापतिमा पुन : रायमाझी
- ३ बुहारीलाई खुकुरी प्रहार गर्ने ससुरा पक्राउ
- ४ हवाहुरी र चक्रिय भुमरीबाट उमाकुण्ड–२ मा क्षति
- ५ सहकारी अभियानलाई कमजोर बनाउने प्रयास भइरहेको छ : डा. परितोष पौडेल
- ६ विधि र पद्धतिमा विचलन आए समाज भयभीत हुन्छ : राष्ट्रपति पौडेल
- ७ कांग्रेसको क्रियाशील सदस्यता अद्यावधिक अभियान सुरु
- ८ बाम्तीभण्डारमा बजार अनुगमन, दर्ता–नविकरण नगरेकालाई एक साताको अल्टिमेटम
धेरै पढिएका
प्रतिक्रिया दिनुहोस