१८ लाख नगद सहित ६ जुवाडे पक्राउ

काेसिस न्यूज ५ वर्ष अगाडि ५ वर्ष अगाडि

पोखरा । पोखरामा पेशेबर जुवा खालबाट ठुलो परिमाणमा नगद सहित ६ जना जुवाडेहरुलाई प्रहरीले पक्राउ गरेको छ ।
पोखरा महानगरपालिका १२ चापापानी स्थित नविन गौचनको घरमा जुवा खेलीरहेको अवस्थामा उनिहरु पक्राउ परेका हुन । पक्राउ परेका जुवाडेहरुको साथबाट प्रहरीले १८ लाख ७ हजार ५ सय ३० नगद समेत बरामद गरेको छ ।
जिल्ला प्रहरी कार्यालय कास्कीका प्रबक्ता सुबास हमालका अनुसार व्यवसायीक जुवा खाल संचालन भएको सूचनाका आधारमा प्रहरीले गौचनको घरमा छापा मारेको थियो ।
पक्राउ पर्नेमा मुस्ताङको थासाङ–३ घर भई पोखरा–१२ चापापानी बस्ने नवीन गौचन, पोखरा–१२ फूलबारी बस्ने काजी गुरुङ, पोखरा–१२ माटेपानी बस्ने सूर्य गुरुङ, दैलेखको नौमूले–८ घर भई पोखरा–२६ विजयपुर बस्ने खम्बसिंह राना, कास्कीको मादी–१० घर भई पोखरा–१३ सङ्गमटोल बस्ने खेमराज गुरुङ र पोखरा–१९ घर भई पोखरा–१६ दीप बस्ने श्याम श्रेष्ठ रहेको जनाइएको छ।

क्याटेगोरी : समाचार