बढि भाडा असुल्ने यातायातका साधन कारबाहीमा

काेसिस न्यूज ५ वर्ष अगाडि ५ वर्ष अगाडि

रामेछाप- जिल्ला प्रहरी कार्यालय रामेछापले यात्रुहरुसंग बढी भाडा लिने यातायातका साधनहरुलाई कारबाही गरेको छ ।
दशैंमा काठमाडौ बाट मन्थली तर्फ आउँदै गरेका विभिन्न यातायातका साधनहरुलाई प्रहरीले कारबाही गरेको हो । यातायातका साधनहरुलाइ कारबाही स्वरुप जरिवाना गर्नुका साथै बढी भाडा लिएका यात्रुहरुलाई उनिहरुको पैसा फिर्ता गरेको प्रहरीले जनाएको छ । यातायातका साधनहरुले दोब्बर भाडा लिएर यात्रीहरुलाई ठगि गरेको भन्दै ट्राफिक प्रहरीले यातायातका साधनहरुलाई नियन्त्रणमा लिएर कारबाही गरेको जिल्ला प्रहरी कार्यालय रामेछापले जनाएको छ ।
प्रहरीले माइक्रो बस, सुमो तथा बसमा सवार यात्रुहरुलाई धेरै भाडा लिएर काठमाडौबाट आउँदै गरेको सुचनाका आधारमा यातायातका साधनहरुलाई नियन्त्रणमा लिएर सबै यात्रुहरुको बढी लिइएको भाडा फिर्ता गराई २ हजार जरिवान गरि पुन गल्ती नदोहोर्याउने सर्तमा छाडिएको जिल्ला प्रहरी कार्यालय रामेछापका प्रमुख प्रहरी नायव उपरिक्षक नबराज ढुंगानाले जानकारी दिनुभयो ।

क्याटेगोरी : समाचार