बीपी राजमार्गमा आजदेखी राति गाडी संचालनमा रोक

काेसिस न्यूज ९ महिना अगाडि ९ महिना अगाडि

भाेली असाेज १७ गतेदेखि मनसुन सक्रिय हुन लागेकाले हुनसक्ने जोखिम न्यूनीकरणका लागि बीपी राजमार्ग अन्तर्गत काभ्रे भञ्ज्याङ्ग–भकुण्डेबेसी–सिन्धुली सडकखण्डमा अत्यावश्यक सेवा बाहेक सबै सवारी साधन रातकाे समयमा संचालन रोक लगाइएको छ ।

बीपी राजमार्गमा आजदेखि असाेज २१ गतेसम्म राति गाडी चलाउन रोक लगाइएको छ । स्थानीय प्रशासनले असोज १६ गतेदेखि २१ गतेसम्म साँझ ५ बजेदेखि बिहान ५ बजेसम्म सार्वजनिक र निजी यात्रुबाहक सवारीसाधन सन्चालनमा रोक लगाएको हो ।

राष्ट्रिय विपद् जोखिम न्यूनीकरण तथा व्यवस्थापन प्राधिकरण काभ्रेले जिल्लामा पनि भारी वर्षाको सम्भावना उच्च रहेको हुदा उच्च सतर्कता अपनाउन भनेको थियो । त्यसपछि जिल्ला सुरक्षा समिति र जिल्ला विपद् व्यवस्थापन समितिको बैठकले एम्बुलेन्स र अत्यावश्यक सेवाका सवारी साधन बाहेक सबै प्रकारका सार्वजनिक तथा निजी यात्रुवाहक सवारी साधनको संचालनमा राेक लगाउने निर्णय गरिएको काभ्रेका प्रमुख जिल्ला अधिकारी उमेशकुमार ढकालले जानकारी दिए ।

गत वर्षको असोज ११ र १२ गतेको वर्षा, बाढी र पहिरोले बीपी राजमार्ग क्षतविक्षत बनाएको थियो । क्षति पुगेका ठाउँमा अहिलेसम्म पनि पुनर्निर्माणको काम सकिएको छैन । त्यसैले यसपालिको वर्षामा क्षतिको जोखिम कायमै रहेको हो ।

क्याटेगोरी : समाचार