महासंघ रामेछापको बार्षिक साधारण सभा

काेसिस न्यूज २ वर्ष अगाडि २ वर्ष अगाडि

रामेछाप – नेपाल पत्रकार महासंघ जिल्ला शाखा रामेछापको २० औं बार्षिक साधारण सभा सोमबार मन्थलीको फ्रिडम रिसोर्टमा सम्पन्न भएको छ ।

जिल्ला अध्यक्ष बद्री नयाँघरेको अध्यक्षतामा भएको उक्त बार्षिक साधारण सभाले शाखाका सचिव तुल्सीदेवि श्रेष्ठद्धारा प्रश्तुत सांगठानिक प्रतिवेदन र कोषाध्यक्ष युवराज श्रेष्ठद्धारा प्रश्तुत आर्थिक प्रतिवेदनलाई पारित गरेको छ । जिल्ला शाखामा स्थापीत दुई पुरस्कार कोषको कार्यविधिलाई समेत बार्षिक साधारण सभाले पारित गरी लागू गरेको छ ।

साधारण सभालाई संवोधन गर्दै अध्यक्ष नयाँघरेले आफ्नो कार्यकालमा पत्रकारहरुको आन्दोलनका कारण कतिपय योजनाहरु कार्यान्वयन गर्न समस्या आएको भन्दै आगामी दिनमा आउने नेतृत्वले महासंघलाई उर्जाशिल वनाएर लैजान आग्रह गरेका थिए ।
यसैविच महासंघ जिल्ला अधिवेदको तयारीमा जुटेको छ । जिल्ला अधिवेशनले नयाँ नेतृत्व समेत चुन्नेछ । शाखाको नेतृत्व चयनका लागि बुधबार मनोनयन दर्ता गर्ने कार्यक्रम सार्वजनिक भइसकेको छ ।

क्याटेगोरी : समाचार