रामेछापको फर्पुमा सुमाे दुर्घटना हुदा वडा अध्यक्ष सहित ५ जनाकाे मृत्यु

काेसिस न्यूज २ वर्ष अगाडि २ वर्ष अगाडि

रामेछाप – राछापको गोकुलगंगा गाउँपालिका–६ फर्पुमा सुमो दुर्घटना हुँदा वडा अध्यक्ष सहित ५ जनाको मृत्यु भएको छ । दुर्घटनामा परी एक बालक सहित ३ जना घाइते भएका छन् ।

शुक्रबार दिउसाे काठमाडौँबाट गोकुलगंगा गाउँपालिक ३ रस्नालु जाँदै गरेको त्रिवेणी यातायातको ना १ ज ७१२३ नम्बरको सुमो फर्पुमा दुर्घटना हुँदा गोकुलगंगा गाउँपालिका ४ बेतालीका वडा अध्यक्ष रामचन्द्र बस्नेत सहित ५ जनाको मृत्यु भएको जिल्ला प्रहरी कार्यालय रामेछापले जानकारी दिएकाे छ ।

प्रहरीका अनुसार दुर्घटनामा मृत्यु हुनेमा बस चालक हिराबहादुर कार्की रहेको र अन्यको पहिचान खुल्न बाकी रहेकाे छ । दुर्घटनामा मृत्यु हुनेमा एक जना अन्दाजी १० वर्षका बालक पनि रहेको प्रहरीको भनाइ छ । प्रहरीका अनुसार सुमाे सडकबाट खसेर दुर्घटना भएकाे हाे ।

क्याटेगोरी : समाचार