काठमाडौंबाट सिन्धुली जाँदै गरेकाे बस रामेछापमा दुर्घटना हुदा एकजनाकाे मृत्यु १० जना घाइते

काेसिस न्यूज २ वर्ष अगाडि २ वर्ष अगाडि

रामेछाप – काठमाडौंबाट सिन्धुली तर्फ जाँदै गरेको बस रामेछापको भिरपानीमा दुर्घटना भएको छ । मंगलबार दिउँसो रामेछापको भिरपानीमा बस दुर्घटना हुदा एक जनाकाे मृत्यु भएकाे छ भने १० जना घाइते भएको जिल्ला प्रहरी कार्यालय रामेछापले जनाएको छ ।

काठमाडौबाट चरिकोट ,रामेछाप हुँदै सिन्धुलीको अमारे जाँदै गरेको बागमती प्रदेश ३-०१०५ ख ९५७९ नम्बरको बस दुर्घटनामा परेको प्रहरीले जनाएकाे छ । उक्त बसमा एक जनाकाे मृत्यु भएकाे छ ।

दुर्घटनामा मुत्यु भएकाकाे पहिचान नखुलेको प्रहरीले जनाएकाे छ । घाइतेहरु मध्ये २ जनाको अवस्था गम्भीर रहेको छ । घाइतेलाई उपचारका लागि मुलकोटमा लगिएको छ। थप विवरण आउन बाकी रहेकाे प्रहरीले जनाएको छ ।

आज बिहान पनि काठमाडौंबाट सिन्धुलीको फिक्कल जाँदै गरेको टाटा सुमो रामेछापमा दुर्घटना भएको थियो। रामेछापको मन्थली-खाँडादेवी-सित्खा सडक खण्डको मन्थली नगरपालिका-७ भटौली पुलमाथि आज बिहान सवा ४ बजेतिर ना १ ज ८७८२ नम्बरको टाटा सुमो दुर्घटना हुँदा चालक घाइते भएका थिए। सुमोमा ११ जना यात्रु थिए।

क्याटेगोरी : समाचार