चुनावको विज्ञापन अब अनलाइनमा पनि गर्न सकिने

काेसिस न्यूज ४ वर्ष अगाडि ४ वर्ष अगाडि

काठमाण्डौ- यहि मंसिर ४ मा हुने प्रतिनिधि तथा प्रदेश सभा सदस्यको निर्वाचनमा राजनितिक दल तथा उम्मेदवारले अनलाइनको माध्यमबाट विज्ञापन गर्न पाउने भएका छन् । निर्वाचन आयोगले अनलाइन संचारमाध्यबाट उम्मेदवारलाइ विज्ञापन प्रकाशन तथा प्रसारण गर्न पाउने निर्णय गरेको हो ।

निर्वाचन आचारसंहिता २०७९ को दफा १५ मा राजनितिक दल वा उम्मेदवारले पालना गर्नुपर्ने आचारसंहिता तथा आचारणमा राजनितीक दल वा उम्मेदवारले विभिन्न संचार माध्यमको प्रयोग गरेर निर्वाचनमा प्रचार प्रसार गर्न पाउने व्यवस्था गरिएको छ । जसमा अनलाइन संचार माध्यमको प्रयोग सम्बन्धमा स्पष्ट उल्लेख नभएकाले उक्त विषमा निर्वाचन आयोगले निर्वाचन आचारसंहिता २०७९ को अधिनमा रहेर कुनैपनि राजनितीक दल तथा उम्मेदवारको प्रचारको विज्ञापन अनलाइनले पनि गर्न सक्ने निर्णय गरेको छ । उक्त विज्ञापन प्रसारण तथा प्रकाशन गर्नका लागि अनलाइन संचार माध्यम सुचना तथा प्रसारण विभागमा दर्ता भइ प्रेस काउन्सिल नेपालमा सुचिकृत भएको हुनुपर्ने छ ।

अनलाइन संचारमाध्यमबाट राजनीतिक दल वा उम्मेदवारको निर्वाचन प्रचारप्रसारको श्रव्य दृष्य सामग्री बढीमा १ मिनेट समम्को प्रसारण गर्न पाइने छ । त्यस्तै अनलाइनमा रोडब्लक , कन्टेन ब्लक, होमपेज ब्यानु। डिटेर पेज ब्यानर, बक्स विज्ञापनको रुपमा प्रचार प्रसार गर्नसकिने छ । त्यसैगरि प्रचार सामग्री सःशुल्क भएको उल्लेख गर्नुपर्ने छ भने राजनीतिक दलले प्रचारमा लागेको खर्चको विवरण प्रचलित कानुन बमोजिम निर्वाचन खर्च विवरणमा समावेश गर्नुपर्ने निर्वाचन आयोगले जानकारी दिएको छ ।

क्याटेगोरी : समाचार