अाइजिपि पाेखरेलद्वारा राजिनामा

काेसिस न्यूज ४ वर्ष अगाडि ४ वर्ष अगाडि

काठमाडौ – अाफुभन्दा कनिष्ठलाई एअाइजी बनाएकाे भन्दै खारेजीकाे माग गरेर सर्बोच्च अदालतमा रिट हालेका नेपाल प्रहरीका अतिरिक्त महानिरीक्षक विश्वराज पाेखरेलले पदबाट राजिनामा दिएका छन् ।

सोमबार पाेखरेलले प्रहरी प्रधान कार्यालयमा पुगेर नेपाल प्रहरीको मानव स्रोत विभागमा राजीनामा दिएकाे प्रहरी प्रधान कार्यालय स्रोतले जनाएकाे छ ।

धिराजप्रताप सिंहलाई प्रहरी महानिरीक्षक नियुक्त गर्ने सरकारको निर्णयविरुद्ध पोखरेलले सर्वोच्च अदालतमा हालेका रिट सर्वाेच्चले शुक्रबार खारेज गरिदिएकाे थियाे । रिट खारेजी भएपछि पोखरेलले राजीनामा दिएका हुन् ।

पोखरेल एआइजीको उमेर हदका कारण आगामी २० गतेबाट अनिवार्य अवकाशमा जाँदै थिए । त्यस अघि नै उनी नियमित काममा नफर्की राजीनामा दिएर बाहिरिएका हुन् ।

आईजीपी सिंह र एआईजी पोखरेल २०४९ चैतमा एकै दिन प्रहरी निरीक्षकबाट सेवा प्रवेश गरेका अधिकृत हुन् ।

क्याटेगोरी : समाचार