कामै दिदैनन् रामेछापका एटिएम

काेसिस न्यूज ५ वर्ष अगाडि ५ वर्ष अगाडि

रामेछाप – केहि समय अघी ईन्भेष्टमेन्ट बैंकको मन्थली शाखाको एटिएम मेसिनले हप्तौं थकाई मा¥यो । २४ सैं घण्टा सेवा दिनु पर्ने मेसिन बन्द रहेको प्रति बैंक व्यवस्थापन त्यति संवेदनसिल भएन । हप्तौ पछि मेसिन बनाएर सेवा दिन थाल्यो ।

मन्थलीमा ईन्भेष्टमेण्टको मात्र हैन, अधिकांश एटिएमको हालत उस्तै उस्तै छ । लक्ष्मी बैंक, सेन्चुरी बैंक, राष्ट्रिय बाणिज्य बैंक जस्ता बैंकहरुका एटिएम बारम्बार वन्द रहने गर्छन् । बैंक व्यवस्थापन विग्रीएका मेसिन बनाउनु भन्दा पनि एटिएम राखीएको सटर लगाईदिने गर्छन् । शुक्रबार बाणिज्य बैंक, लक्ष्मी बैंक र सेन्चुरी ंबैंकका एटिएम मेसिन नचल्दा दशैं बजार गर्न आएका सर्वसाधारणहरुले सेवा पाउन सकेनन् । एटिएम कार्ड बोकेर वजार गर्न आएका हरु मेसिनले सेवा नदिए पछि पैसाको खोजिमा भौतारिरहेका थिए । मेसिन नचलेको कुरा राख्दा विग्रीएको ओठे जवाफ वैंकका कर्मचारीहरुले दिने गरेका छन् । रामेछापको मन्थलीमा रहेका ११ वटा वैंकले एटिएम मेसिन राखेका छन् । एटिएम सेवा सामान्यतथा २४ सैं घण्टा संचालन गर्नुपर्नेमा मन्थलीका बैंकले रात छिप्पीएपछि सटर झार्ने गरेका छन् । समस्यामा रातको समयमा पैसा झिक्नु पर्दा कुनै पनि ग्राहकले सेवा पाउदैनन् । प्राय सै बैंकले राती १० बजे पछि एटिएम बन्द गर्छन् । हरेक बैंकमा सुरक्षा गार्डको व्यवस्था छ ।

क्याटेगोरी : समाचार