रामेछाप – जिल्ला अदालत रामेछापले चालु आर्थिक वर्ष २०८२/८३ को जेठ मसान्तसम्ममा मुद्दा फर्छ्योटतर्फ उल्लेखनीय प्रगति हासिल गरेको छ। अदालतले निर्धारण गरेको लक्ष्यको ८१.४१ प्रतिशत मुद्दा फर्छ्योट गर्न सफल भएको जनाएको छ।
अदालतले चालु आर्थिक वर्षमा कुल ३२३ वटा मुद्दा फर्छ्योट गर्ने लक्ष्य लिएको थियो । सो लक्ष्य अनुसार जेठ मसान्तसम्म २६३ वटा मुद्दा टुंग्याउँदै ८१.४१ प्रतिशत प्रगति हासिल गरिएको जिल्ला अदालत रामेछापका निमित्त श्रेस्तेदार बिमला पन्थीले जानकारी दिइन् ।
उनका अनुसार चालु आर्थिक वर्षको जेठ मसान्तसम्म अदालतमा ३०६ वटा नयाँ मुद्दा दर्ता भएका छन्। गत आर्थिक वर्षबाट जिम्मेवारी सरेर आएका १०९ वटा मुद्दासहित अदालतमा कुल ४१५ वटा मुद्दा विचाराधीन रहेका थिए।
तीमध्ये २०५ वटा देवानी तथा ५८ वटा फौजदारी गरी कुल २६३ वटा मुद्दाको फैसला भइसकेको निमित्त श्रेस्तेदार पन्थीले बताइन् ।
अदालतले लक्ष्यअनुसार मुद्दा फर्छ्योट गर्दै न्याय सम्पादनलाई प्रभावकारी बनाउन निरन्तर प्रयास गरिरहेको जनाएको छ।
क्याटेगोरी : समाचार
थप समाचार
ताजा अपडेट
- १ विपद् उद्धारका लागि प्रहरीलाई एसएस फाउण्डेशनको सामग्री सहयोग
- २ रामेछापका प्रहरी प्रमुख प्रहरी नायव उपरीक्षक जैसवार ‘ उत्कृष्ट प्रहरी’ घोषित
- ३ रामेछापमा टाटाको योद्धा गाडी दुर्घटना हुँदा एक जनाको मृत्यु
- ४ तामाङ समाज यूएईद्वारा विद्यालयलाई प्रोजेक्टर सहयोग
- ५ बाढी प्रभावितलाई लक्षित गरी निःशुल्क स्वास्थ्य शिविर संचालन हुँदै
- ६ रामेछापमा वृद्ध दम्पतीलाई बन्धक बनाएर डकैती गर्ने गिरोह पक्राउ
- ७ प्रेस युनियन रामेछापको अध्यक्षमा श्रेष्ठ
- ८ प्रधानमन्त्री दैवी प्रकोप उद्धार कोषमा रकम सहयोग गरेको भन्दै नक्कली स्टेटमेन्ट बनाउने पक्राउ
प्रतिक्रिया दिनुहोस