रामेछाप । नेपाल रेडक्रस सोसाईटी जिल्ला शाखाको अधिवेशन अर्को सूचना नभए सम्मको लागि स्थगित भएको छ । जिल्ला अधिवेशन माघ २९ गते शनिबारका लागि तोकिएको थियो ।
ओमिक्रोनको संक्रमणका कारण स्थानीय प्रशासनले लगाएको निषेधाज्ञाको अवधि भित्र रेडक्रसको जिल्ला अधिवेशन हुने नहुने बारे स्थानीय प्रशासन संग निर्देशन माग गर्दा प्रशासनले वर्तमान अवस्थामा जिल्ला अधिवेशन गर्न अनुकुल नभएको निर्देशन दिएको थियो ।
जिल्ला प्रशासन कार्यालयको निर्देशन बमोजिम सोसाईटीले सोमबार आफ्ना मातहतका सवै उप शाखाहरुलाई अधिवेशन अनिश्चित काल सम्मका लागि स्थगित भएको जनाउ दिएको छ । अर्को अधिवेशनको मिति रेडक्रसले पछि निर्धारण गर्नेछ । रेडक्रसको विधान बमोजिम उप शाखाबाट छनौट हु्ने प्रतिनिधिहरु जिल्ला सभाका लागि उम्मेदवार र मतदाता हुन पाउने व्यवस्था छ ।
यस अघि रेडक्रस सोसाईटीले जिल्ला शाखाको निर्वाचन गर्न नसकेको भन्दै शिव कार्की नेतृत्वको आधिकारीक जिल्ला शाखालाई हटाएर शाखाकै मन्त्री जयप्रकाश श्रेष्ठलाई निर्वाचन गराउने तदर्श समितिको संयोजक वनाएको थियो । तर कार्की उक्त निर्णयका विरुद्ध उच्च अदालत पुगेका थिए । उच्च अदालत पाटनले कार्कीको सभापतित्वमा रहेको पदाधिकारीलाईनै मान्यता दिएपछि जिल्ला अधिवेशनको टुंगो लागेको थियो । जिल्ला अधिवेशनका लागि जिल्ला भित्र रहेका सवै उप शाखाहरुको अधिवेशन सम्पन्न भइसकेको छ ।
क्याटेगोरी : समाचार
थप समाचार
ताजा अपडेट
- १ कांग्रेसको क्रियाशील सदस्यता अद्यावधिक अभियान सुरु
- २ बाम्तीभण्डारमा बजार अनुगमन, दर्ता–नविकरण नगरेकालाई एक साताको अल्टिमेटम
- ३ मन्थली नगरपालिका उत्कृष्ट नगरका रुपमा सम्मानित
- ४ शिक्षाविद् तथा भाषासेवी विष्णु चित्रकारको हृदयघातबाट निधन
- ५ गुनासो रहित सेवा प्रवाह नै मुख्य उद्देश्य : सहायक प्रमुख जिल्ला अधिकारी केसी
- ६ रामेछाप उद्योग वाणिज्य संघकाे अध्यक्षमा प्रकाश कुमार श्रेष्ठ विजयी
- ७ आयुर्वेद सेवामा आकर्षण बढ्दै, स्थानीय तहसम्म विस्तारको प्रयास
- ८ पत्रकार महासंघकाे स्थापना दिवसमा रामेछापमा विविध कार्यक्रम
धेरै पढिएका
प्रतिक्रिया दिनुहोस