मन्थली काठमाण्डौं नियमित उडान सुरु

काेसिस न्यूज २ वर्ष अगाडि २ वर्ष अगाडि

---

रामेछाप – मन्थली काठमाण्डौं हवाई उडान अब नियमित सञ्चालन संचालन हुने भएकाे छ । नागरिक उड्डयन प्राधिकरण रामेछापका अनुसार मन्थली काठमाण्डौं नियमित उडान हुने भएकाे हाे ।

नागरिक उड्डयन प्राधिकरण रामेछापका प्रमुख हिरन शाहका अनुसार तारा इयरलाईन्स र समिटले आगामी एक महिना नियमित उडान गर्ने तालीका उपलब्ध गराएर नियमित उडान गर्न लागेकाे जानकारी दिएका छन् ।

प्राधिकरणलाई उपलब्ध तालिका बमोजिम समिट एयरलाइन्सले हप्तामा चार दिन आइतबार, सोमबार, बुधवार र शुक्रवार उडान गर्ने छ भने तारा एयरलाइन्सले हप्तामा तीन दिन मङ्गलबार ,बिहीबार र शनिवार उडान गर्ने प्राधिकरण रामेछापका प्रमुख शाहले जानकारी दिए ।

त्यसैगरी समिट एयरलाइन्सले काठमाडौँ बाट मन्थलीका लागि दिउसाे २ बजे र मन्थली बाट काठमाण्डौंका लागि २ः३५ बजे उडान भर्ने तालिका रहेकाे छ । त्यस्तै तारा एयरलाइन्सले काठमाण्डौं बाट मन्थलीका लागि २ः४० मा र मन्थलीबाट काठमाडौका लागि ३ः०५ बजे उडान भर्ने भएको छ ।